SRSXE200B

XE200 има линиски дифузер што го зголемува распространувањето на вашата музика, дури и странично од звучникот. Освен тоа, преносливата големина и практичниот ремен за носење ќе ви овозможат лесно да го носите насекаде.
Влечејќи инспирација од аудиосистемите за професионални концерти, уникатниот линиски дифузер од Sony создава линиски извор и ја дистрибуира енергијата на звукот порамномерно и низ широко звучно поле. Висококвалитетниот звук се распространува пошироко и подалеку на вашата локација, без загуби во квалитетот на звукот.
Со линискиот дифузер, звукот се распространува пошироко во предната зона на звучникот, овозможувајќи ви да уживате во звук со ист квалитет и пред и странично од звучникот. Тоа значи дека сите во вашата просторија можат да танцуваат на истата музика и да уживаат во истиот квалитет на звук. A=Стандардна услужна зона B=Поширока услужна зона со линиски дифузер
За разлика од стандардните звучници кои повеќето енергија ја фокусираат од центарот на конусот, нашиот уникатен линиски дифузер го фокусира звукот низ тесен отвор. Зголемениот звучен притисок го распространува звукот еднакво во секоја насока, односно понапред и пошироко од звучникот.
За разлика од кружната мембрана кај стандардните звучници, новосоздадениот X-Balanced Speaker Unit кај XE200 нема кружна мембрана, па затоа генерира поголем звучен притисок и создава висококвалитетен звук.
Освен тоа што максимално ја искористува површината на мембраната на звучникот за да го зголеми звучниот притисок и да создаде посилен бас, правоаголниот облик на уредот го намалува и движењето на мембраната без да го намали звучниот притисок.
Освен тоа, децентрализираниот дизајн на уредот и оптимизираната рамнотежа на тежината ја зголемуваат острината на звукот и го прошируваат звучното поле.
Двата пасивни радијатори создаваат моќен бас.
XE200 е отпорен на вода, па дури и на солена вода, за да се забавувате безгрижно покрај базенот или морето – може и да го миете.
Звучникот има ознака IP67 бидејќи има заштита од прав и може да го користите на секаква површина, независно дали ќе го однесете на плажа, во парк или во градината.
XE200 е лесен и пренослив, што значи дека може да го носите со вас насекаде. Благодарение на практичниот ремен за рачен зглоб, тој секогаш ќе биде покрај вас.
Темелно го тестиравме XE200 за удари, за да бидеме сигурни дека ќе ги издржи неизбежните потреси, паѓања и гребнатини што се дел од секојдневната употреба. Дури и ако XE200 ви падне, тој ќе продолжи да работи.
XE200 нуди репродукција до 16 часа со полна батерија, што значи дека едно полнење ќе биде доволно за цела забава. Уникатната технологија на Sony за чувствителни микрофони и откривање амбиентален шум придонесуваат за помало трошење на батеријата при надворешна употреба.
Ако немате многу време за подготовка, не грижете се. Брзото полнење ви нуди време на репродукција од 70 минути со полнење од само 10 минути.
Функцијата за грижа на батеријата спречува прекумерно полнење и ја чува батеријата во оптимална состојба подолг период. Оваа функција може да се вклучи преку апликацијата Sony | Music Center.
Подобрете ги состаноците и повиците со поништување на ехото. Тоа овозможува да говорат двајца во исто време. Звукот може да го исклучите веднаш со практичното копче MIC Mute, поставено десно на звучникот. Со функцијата за поврзување повеќе уреди може да поврзете два уреди истовремено.
Со Party Connect може да споите најмногу 100 компатибилни безжични звучници со технологијата BLUETOOTH® и да ја синхронизирате вашата музика за да можат сите да танцуваат по истиот ритам. Со функцијата Stereo Pair, пак, може да поврзете два звучника безжично и да добиете врвен стерео звук. И двете функции се активираат во апликацијата Sony | Music Center.
Полнете го XE200 преку USB Type-C®-кабел.
Линискиот дифузер, со препорачан вертикален распоред, ќе ви понуди максимални звучни придобивки. Може и да го поставите хоризонтално за да уживате во репродукција со стерео звук преку апликацијата Sony | Music Center.
Со само еден допир, SRS-XE200 од Sony овозможува брзо и лесно впарување со вашите уреди со Android преку Bluetooth®.
Нашите производи имаат стилски дизајн и не се штетни за животната средина. За внатрешните делови на XE200 се користи рециклирана пластика создадена специјално за Sony. Исто така, индивидуалните пакувања за XE200 не содржат повеќе од 5% пластични материјали. Ова е доказ за посветеноста на Sony да го намали влијанието на своите производи и работење врз животната средина.
Оптимизирајте ги поставките за звук, изберете листа за репродукција, преминете на следната песна и контролирајте ја функцијата Party Connect. Управувајте со вашите уреди преку вашиот телефон со апликацијата Sony | Music Center.