Директно поврзување преку USB за брз пренос на датотеки
Префрлувањето датотеки од и во компјутерот е брзо и практично. Само приклучете го ICD-PX470 директно во USB приклучок и веднаш воспоставете врска – не е потребен USB кабел.

Зголемете ја меморијата преку отворот за микро SD картички
ICD-PX470 се испорачува со вградена меморија од 4 GB која нуди максимално време на снимање до 59 ч. 35 мин. кога снимате стерео звук во MP3 формат со 128 kbps. Меморискиот капацитет може да го зголемите со микро SD картичка и да добиете дополнителна меморија до 32 GB – еквивалентно на време за снимање поголемо од 536 часа (микро SD 32 GB, MP3 со 128 kbps).

Пронаоѓањето соодветни датотеки е лесно со пребарување на календарот
Снимките се означуваат со датум за да можете лесно да пронајдете снимки снимени во одреден ден. Отворете го календарот и пребарувајте по денови за да ја пронајдете снимката што ви е потребна.

Репродукцијата на транскрипција ќе ви помогне да ги прегледате снимките
Пренесувањето разговори на хартија е лесно со режимот за репродукција на транскрипција. Премотувајте ја снимката нанапред и наназад на едноставен начин или направете маркери за побрзо пронаоѓање на одредени делови. Дигиталната контрола на високи тонови ви овозможува и да ја намалите брзината за репродукција за подобро да слушнете што се говори.

Филтерот за ниски фреквенции го елиминира несаканиот шум
Елиминирајте го шумот во заднина со ниска фреквенција додека снимате со активирање на филтерот за ниски фреквенции. Изворите на несакан шум како проектори, сообраќај или ветар може да се отстранат од вашата снимка, при што лесно ќе ги препознавате гласовите кога ќе ја слушате снимката.

Снимајте и слушајте Linear PCM или MP3 формати
Достапни се два популарни формати на датотеки за снимање. Датотеките Linear PCM се поголеми, но содржат повеќе детали – идеално за снимање музика. Датотеките MP3 се компресирани, но за нив е потребно помалку меморија, поради што се подобри за снимање долги предавања или состаноци. ICD-PX470 овозможува и репродукција на MP3 и PCM датотеки за да можете да ги слушате омилените песни во режимот за репродукција на музика.

Извонредна долготрајност на батеријата за подолго снимање
Кога снимате преку вградениот микрофон во MP3 со 192/128 kbps, испорачаната AAA батерија ќе трае до 55 часа. Тоа е повеќе од два цели дена непрекинато снимање без замена на батеријата – совршено за снимање долги конференции и настани.

Микрофон со прилагодлив опсег за појасни гласови
Прилагодливите поставки за микрофонот го изоструваат само звукот што сакате да го снимите. Кога снимате само еден глас, режимот за фокусирање снима тесно звучно поле од една насока. Кога сте на состанок, режимот за широк стерео звук го проширува опсегот за да ги снимите сите кои се во просторијата. Изберете една од четирите достапни и однапред поставени „сцени“ (музика, состанок, интервју, диктат) за дополнително оптимизирање на поставките за звукот.